吴日言子宫内膜异位　靠阿Bob“必孕秘诀”陀B：试2次就得咗

TVB真人骚《妈妈唔易"造"》播出以来，成为不少女性讨论话题！一眨眼就来到最后一集，节目就来两位母乳妈妈吴日言及董敏莉分享她们的母乳之路，但原来吴日言当年做婚前检查后，惊觉子宫内有“朱古力瘤”即子宫内膜异位，有机会影响生育！

现年35岁的吴日言在2016年10月下嫁拍拖17年的男友Barry，二人婚后就本著顺其自然的心态“造人”，但一年多时间过去仍未有怀孕的迹象，吴日言接受《香港01》访问时就称：“虽然做婚前检查发现生‘朱古力瘤’，但医生话我哋都可以继续试自然（怀孕），所以都唔太担心。而且头一年我哋都忙住搬屋同狗狗唔舒服，压力都几大，心态上未算太ready。”

到一切繁琐的事情都安顿好，两公婆再计划时间准备怀孕时，好友阿Bob就向他们传授“必孕秘诀”：“佢话女性每个月排卵期只有一日可以怀孕，所以要喺排卵𠮶日同老公咩啦（发生性行为），夜晚再做多一次，到第2朝再做多次，我同老公试咗2次又真系得咗！（2日1晚？）系呀，真系work!（排卵期系咪都有问医生？）冇问呀，我自己喺淘宝买啲排卵试纸返嚟自己check，开头都惊信唔过，但又得咗！”

成功怀孕后，吴日言就透露怀疑自己有产前抑郁：“当时心情都好波动，又成日乱谂嘢同发脾气！睇睇吓电视，都会冇啦啦走入房喊，好恐怖，但老公就一直喺畀安全感我，到BB出世就冇事喇！”问到有没有打算再追B，吴日言就称：“原来想追猪B嘅，但都过咗，随缘啦！（有冇继续试阿Bob个秘诀？）哈哈，未住，休息多阵先！”

点撃下图睇更多幸福照！