梁思浩爆娱圈近月惊现癫婆　有“妖怪”专屈男演员偷望胸部

原来娱乐圈真系咁恐怖？梁思浩、李丽蕊和陈彦行早前在网台节目《大家真风骚》中大爆近期娱圈惊现“癫婆”，其中梁思浩更指这位女士早于四个月前开始打听不少男艺人的联络方法，又不时在网上转贴新闻，话大家如果想合作可以去荷李活：“我唔识佢，见都冇见过，只系有朋友同佢熟，好多男艺人开头唔知咩事，咁有人喺圈内聊天群组叫大家小心，如果佢揾你嘅话，因为女人讲一句，你就死㗎喇，佢好钟意话人揩佢油，如果佢出嚟话你揩佢油，你估一般人会信边个，大家喺圈中有通报，佢约你，你要小心啲，佢系分分钟钟屈你、嗌救命即时发癫。”令听众好想知道这位女士的真正身份。

之后，梁思浩又称TVB曾出现一名被称为“妖怪”的女艺人，指该名女星经常觉得其他男性望她的胸部：“开头大家都同佢做朋友，后期发觉佢真系有啲问题，譬如佢同一个小生倾完偈，倾得好开心，但转头同化妆姐姐讲‘佢头先𥄫住我对波’，人哋冇做过，妖怪系用呢样嘢去提升自己系万人迷嘅地位。”

不过，大话总有被拆穿的一日，梁思浩指曾经有资深化妆师直斥“妖怪”造谣生事：“有次佢走埋去，同一个六十几岁嘅资深演员倾偈好开心，之后呢位演员去开工，‘妖怪’转头同化妆高层讲，仲要眼湿湿咁讲，化妆高层反问呢个女艺人‘醒下喇！你有病呀，有病睇医生啦！佢都唔钟意女人！’”令“妖怪”无言以对。