传高海宁明年欧洲秘婚　与音乐人邓智伟拍拖5年劲低调

高海宁（高Ling）主演嘅新剧《婚姻合伙人》广受好评，此剧系高Ling入行11年嘅首次担正作品，唔少观众都赞佢喺剧中演出自然。高Ling凭剧人气急升，其感情事亦都备受关注，今年32岁嘅高Ling与年长11年、华横溢嘅音乐人邓智伟绯闻传足5年多，虽然双方一直未有正面承认，但就不时被影到前后脚出席朋友假局，甚至有指二人早已共赋同居。

对于感情状况，高Ling近日就以“好开心”形容，对于邓智伟，佢就以“friend过夹band”形容，呢种默认方式，低调又sweet。日前有报道指高海宁与邓智伟计划明年飞到欧洲秘婚，早前佢同李佳芯到巴塞隆拿旅行，其实系顺道物色行礼环境。对于婚讯，虽然高Ling表示“得啖笑”，但其实近年唔少艺人都系先婚后公开，再加上高Ling对恋情向来十分低调，而佢之前亦曾表示“到结婚才公布恋情”所以秘婚机会其实都几高。