佘诗曼44岁生日晒素颜照　欧阳震华连续8年送上祝福

佘诗曼今日44岁生日，佢今午喺微博发文表示“活到44载 感恩..”，圈中好友亦纷纷送上祝福，当中包括连续8年无间断嘅欧阳震华（Bobby），二人早年在《洗冤录》、《法证先锋》有多次合作，关系融洽如兄妹一样，去年Bobby更特地由内地赶返香港为阿佘庆生，足见二人感情深厚。虽然Bobby喺微博只系简单一句“生日快乐”，但佢发文时间喺28号嘅零晨12点半，绝对系诚意的表现。

阿佘喺微博上载嘅照片中，以素颜示人，皮肤依旧白晳细致，完全唔觉有黑眼圈、毛孔、倦容，点睇都唔似44岁，令唔少网民十分羡慕。有指阿佘向来十分注重养生，每朝早都会喝一杯燕窝牛奶，平时亦会多吃有燕窝果之称的麒麟果，麒麟果含有大量多酚，具抗氧化作用能有效抑制黑色素产生。