朱智贤否认整容解释只因箍过牙同化妆：阿爸话我化妆前后系两个人

于2013年参选香港小姐出身而加入无线的朱智贤 (Ashley) ，以虽然没有赢得任何名次，但样靓身材正的她依然成功俘虏了一班粉丝。Ashley向来走自然美的路线，以及以一双修长美腿见称，不过昨日却有报道指她曾经整容。有爆料者提供了一张陈年旧照指Ashley整过眼和鼻，相中的Ashley样貌明显跟现在不同。《香港01》电话访问了她，她承认相中人是自己，但就否认有整容。

她说：“呢张相系10几20年前影嘅，𠮶时我得十几岁，唔系好识化妆，同埋我相信好多人10几20年前后个样都会有分别。加上我25岁时有箍过牙，箍咗3年几，当时总共剥咗8只牙，箍牙前后个样都会唔同。未箍牙。前我唔会露齿笑，能够E起棚牙笑系我细个嘅梦想。”而她当空姐时也有在箍牙。

一齐睇下Ashley变靓后嘅靓相：

Ashley坦言自己不会考虑整容，即使打针微调也不会，她说：“咁样会好唔自然，我祟尚自然美。”对于被指现在个样比前靓了好多，她笑言：“其实系大家无见过我无化妆个样啫，化咗妆真系可以靓好多。我都好惊畀人见到自己素颜，因为见过嘅人啲反应都好惊讶，佢哋表现到简直唔敢相信咁。就连我阿爸见到都话‘哗，阿妹，你化妆前后完全系两个人嚟’，佢都好惊讶。我阿妈仲叫我‘你无化妆唔好出街吓人’，所以我唔敢素颜示人，平日落街都会戴眼镜、戴帽甚至戴口罩遮住。我喺TVB化妆间等化妆时，畀人见到我素颜个样都会觉得唔好意思。”估不到原来Ashley对自己无化妆个样咁无信心。

点击下图睇下Ashley嘅近照同埋佢以前嘅相，大家又觉得有无咩分别呢？