90年代花旦回巢无线　拍新剧《大酱园》：好多人以为我系亚视出身

无线花旦买少见少，尤其系一线𠮶批，唔系结婚生仔，就系拍到残拍到怕，再系咁落去都唔系办法。喺新剧《大酱园》中，除有朱晨丽、龚嘉欣同江嘉敏之外，亦赫然发现曾经拍过唔少三级电影、现年48岁嘅颜仟汶，有指佢今次系以特约演员身份入剧。

颜仟汶接受《香港01》访问时，透露今次系《大》导演揾佢回巢，之所以话系回巢，全因为颜仟汶89时曾报读无线艺员训练班，未毕业就已经有综艺节目同剧集拍，爆骚无难度，但亦都因为咁挨出肝炎，要瞓院一个月。“好多人都以为我系亚视出身，其实我系无线出身，差不多有5年时间，今次返去可以话系情义结，同埋自己仲有戏瘾，不过亦都咁讲啦，而家要入TVB，都要做啲散job先，如果啱先可以继续合作。”颜仟汶口中所指的散job，其实系指节目《女人四十》、新剧《致所有爱过的人》的宣传片。

问到今次“回巢”薪酬，颜仟汶就笑言ok，并表示：“特约演员个价都唔会好，同埋唔可以用大台同出面啲价去比。但自己又无咩所谓，因为喺外面打滚咗咁多年，发现原来都系钟意拍剧。”颜仟汶透露她暂时只为《大》开了几日工，并与康华最多对手戏，问到剧中角色时，她即时大笑表示：“我系做风月场所嘅龟婆，都几好玩。”她又表示之前睇《宫心计》、《铁探》等剧集时，都会幻想自己系其中一角，不过颜千汶其实相当有演出经验，尤其90年代拍过不少Cult片，大家可以点击以下图辑重温一下这位cult片王后的演出。
 

点击重温十套颜千汶cult片作品