邝洁楹挨坏身子派散水汤讲拜拜　年半冇放过假：我啲经期乱晒！

现年26岁的仙气女神邝洁楹（Judy）今日（24日）突然被爆出离开效力三年的TVB，她更豪掷4位数向派足料花胶汤给同事作“散水饼”，令人震惊！

模特儿出身的Judy在2016年加入TVB，主力做TVB娱乐新闻台主播。她凭著拍摄《3日2夜》，以比坚尼出镜的她立即一夜成名。之后，她就获戏剧组招手，在《爱．回家之开心速递》中饰演Venus，得到不少回响。及后，她再加入《学是学非》做“是非精”，成功入屋，更因此获得不少拍摄广告的机会。

点撃下图睇更多回忆照！

Judy接受《香港01》访问时，被问到是否离巢，她就笑言：“系last day，不过只系离开娱乐新闻台，冇离开TVB！”她更感触地讲到：“唔觉唔觉我喺娱乐新闻台已经做咗3年啦，呢度系我第一个节目，由初头一嚿咩都唔识嘅番薯，好似一粒种子喺度成长咁，又因为呢度带我去到其他节目！虽然同啲同事都会喺公司见到，但都有啲唔舍得。（所以散手饼都落重本？）少少啦，希望佢哋食吓花胶补充骨胶。（用咗几多钱呀?）6千几蚊……佢哋都话我做坏规矩，但真系好多谢佢哋。”她更透露当初由前辈周奕玮（Jarvis）带领自己做厂，最后一日亦是由他陪住自己：“2016年6月7日到2019年5月24日，多谢佢帮我埋尾，佢仲特登讲咗句希望我上到更加高海拔嘅舞台，真系好感动！”

睇更多性感美照!

至于问到离开娱乐新闻台嘅原因，Judy就表示：“其实同公司倾过嚟紧都想专心喺电视剧方面，而且喺娱乐新闻台做一个月要畀20日期，真系好难！我试过1年半完全冇放过大假，对上一次去旅行系今年2月放咗一个礼拜，都系因为监制B哥觉得我太辛苦先有得放。”其实Judy在拍摄《学是学非》期间，经常要日接夜、夜接日，冇得瞓觉，身体更一度难以负荷：“身体的确差咗，贺尔蒙都有啲事，搞到我啲经期好乱，一年前已经食紧药。”

Judy离开娱乐新闻台后，她透露将会有两个月的休息时间，她笑称：“屋企人最开心，因为之前都冇咩时间陪佢哋，咁嚟紧终于可以将赚到嘅钱请佢哋去旅行。（终于有间拍拖？）冇拍拖，终于有时间识男仔！”至于合约问题，其实Judy并不是TVB的亲生女，而她的经理人公司是JamCast，与Super Girls同门！她亦坦言将与经理人公司完约，正与公司和TVB洽谈中：“倾紧嘅。（会做TVB亲生女？）都会呢个谂法，但仲倾紧，而家就唞下先，养返好个身体！（怕唔怕呢段时间影响曝光率？）嚟紧《香港8通街》、《Do姐有问题》同《3日2夜》芬兰篇都会出街，仲有啲广告，所以都唔怕嘅！”