欧阳震华自爆未红时不被尊重　拍《壹号皇庭》令好多咸鱼翻生

于无线出身的欧阳震华 (Bobby），昨日于商台为Do姐郑裕玲主持的节目担任嘉宾，虽然他早已贵为一线小生，担正演出过多套经典剧集的男一角色，兼且成为了收视福将，但他未成名之前当然也挨过不少日子。他在Do姐的访问时就重提自己在TVB浮浮沉沉的日子，自言当时唔识得罪人，所以别人就有恃无恐了。Bobby说：“曾经试过有个PA打嚟，佢话‘喂，有个嫖客揾你做呀’我心谂嫖客都揾我做呀？问佢咁有无对白㗎，佢话‘嫖客使乜对白吖，总之有水抽吖’，我话‘吓，你当我咩呀？’我真系Cut佢线。哈，咁样反而好㖞，以后唔使做嫖客，无呢啲电话。所以有时咩都哑忍吞咗去，未必一定系好事。”

Bobby表示自那时开始就一直在等待机会，直至等到《壹号皇庭》。他说：“其实喺拍《壹号皇庭》之前，我谂住做埋𠮶年就唔做㗎喇，完咗约就唔续㗎喇，因为𠮶时人工真系奀到得几千蚊一个月。”此时Do姐即笑言：“可能依家都系。”Bobby续说：“《壹号皇庭》无男一嘅，𠮶时个个男主角都系均等嘅，郑秀文都系做二、三线，仲要暗恋我而我系唔so佢嘅，呢个剧本真系一世都感恩。”𠮶时呢套剧播系谂住摄期，没想到播出后会如此受欢迎。问到Bobby如果没有《壹号皇庭》他是否已经转行了，他说：“如果无《壹号皇庭》，好多人都转咗行，我谂包括陶大宇、苏永康全部都要转行，全部都系咸鱼嚟嘅。”而全靠这套剧，他们都咸鱼翻生了，Bobby亦自此由半红不黑的二、三线跃身成为一线小生。

Bobby透露由于《壹号皇庭》的出现令他继续留在TVB，但他拍完《壹号皇庭II》之后有离开过无线，当时公司竟然没有跟他续约，由得他自然流失，他跟公司说想转部头约，不过公司没有回复他。Bobby说：“我最记得拍完《壹号皇庭II》之后我就约满，走𠮶日我行出闸口，心谂‘咁就唔要我喇？’点知我出到去，真系大开眼界，喺出面拍剧拍戏，𠮶一年赚嘅系喺无线10年赚到嘅钱。”而他重返TVB是因为开拍《壹号皇庭III》，当时他决定转部头形式跟公司合作。他又表示近日返TVB客串两集《开心速递》是他主动跟TVB高层曾励珍提出的：“群姐 (许思敏 饰) 默默耕耘咗30几年，佢好有心做戏，做我哋呢行好需要鼓励，又或者当系奖励啦，咁我返去就可以出师有名话‘我返嚟同群姐做两集啦。’大家都好开心。”

点击下图重温令Bobby咸鱼翻生嘅《壹号皇庭》片段，以及Bobby其他靓相：