【法证先锋III】欧阳震华亲身解释 Tim Sir第三辑被消失之谜
TVB经典剧集由黎耀祥主演《法证先锋III》于2011年10月首播,承接早两辑的好口碑,第三辑依旧受到大批家庭观众欢迎,第一周平均收视有31点,结局同周平均收视更达至40点之高。最近该剧于深宵时段重播,依旧有大批捧场客,成为深夜剧王。 不过自剧集播出以来,外间一直觉得欧阳震华(Bobby)被黎耀祥顶上,对剧迷来说是一个损失,更有不少人揣测,个中原因其实是Bobby得罪高层所至。那么真实的原因呢?就由Bobby亲自道出吧。
上周六晚(5月18日),欧阳震华(Bobby)于无线电视城内客串拍摄《爱.回家之开心速递》,除了分享与群姐合作的心情,亦谈及了最近重播的《法证先锋》系列。“播𠮶时呢,就睇啲唔睇啲,𠮶时拍剧嘅密度大过而家,经常都系喺公司,所以好少睇,但系而家(重播)就追返晒。我睇返第一第二集(《法证先锋I》、《法证先锋II》),我同林文龙,即系Tim Sir同Dr. Koo之间个化学作用真系几好睇。”
《法证先锋》第一、二辑,Tim Sir与Dr. Koo的受欢迎程度之高,相信都不用多说,但为什么由《法证先锋III》开始就换了不同的男主角呢?欧阳震华(Bobby)接受《香港01》访问时解释说:“𠮶时好似系撞咗期!因为我应承咗国内一套剧,应承咗返去拍,后尾可能个期夹唔到,夹唔到就冇办法啦。其实都冇所谓嘅,《法证先锋》即系CSI(美剧《CSI灭罪鉴证科》)咋嘛,有《CSI: New York》、《CSI: Miami》。”他更笑言,香港也可以有类似形式。“香港都可以㗎,《CSI:中环》或者《CSI:南区》都得,哈哈哈。”
那么当时到或是那部国内剧集,令到Bobby要放弃拍摄《法证先锋III》的机会呢?他表示因为拍摄年期有点远,所以也不太肯定是那一套剧集。“我都唔敢肯定,法证3好似系2011年拍,11年我好似系撞咗《锺馗传说》定《天生无才》呢?都系大陆剧嚟嘅。因为𠮶几年,每年都喺国内拍起码一套,𠮶时都拍得几密。”失去成为《法证先锋III》男主角的机会,有否觉得可惜?他轻松的回答:“就好似CSI咁,《CSI: New York》同《CSI: Miami》都有不同男主角㗎嘛,会变㗎嘛,变下又会畀多啲新嘅面孔观众睇。而家(《法证先锋III》)由黎耀祥做,我又觉得几好睇㖞!佢同我个做法又唔同,隔离嘅人又好认真去讲件案,全部都系英文翻译中文。第一、二辑,可能我啲英文渣,就唔需要翻译,直头讲中文,同埋邢家就更加专业,器具同埋化验过程又更加认真同准确。”