与6号＠Rubberband西环码头拍《超友谊》MV　林二汶：想推佢落海

林二汶近日找来好友兼乐队RubberBand主唱6号合唱新歌《超友谊》，他们平时虽然已经老友鬼鬼，不过今次再次合作后亦有发现对方新的一面，友谊亦因此加深了不少。

日前二人到西环码头拍摄MV中林二汶与6号玩乐的情景，造就了一个让她能整蛊6号的机会：“𠮶度沿路冇乜栏杆，有一个shot系我要推住坐喺购物车入面嘅6号跑，其实都几过瘾嘅，因为我推住佢𠮶条路，有少少暗斜向海边，由于𠮶边系冇栏杆嘅海边位，拍完𠮶个shot之后，我揸住架shopping cart喺度等嘅期间，我同6号讲：‘如果我而家放手嘅话，咁你就可以游水㗎喇！’佢当然好惊啦！我亦当然冇咁做到。其实我有偷偷哋尝试放过手半秒咁多，但系因为佢本身都有重量，所以架购物车其实都冇碌走！”

平日林二汶虽然跳跳扎非常活泼好动，却被小强击败：“因为𠮶度都旧同系茶餐厅啦，咁有曱甴都系正常嘅，不过喺拍一个我单人镜头时，我要行入水吧𠮶度咪嘴，我真系唔敢望水吧啲角落，我怕见到啲‘会移动嘅嘢’。好好彩班crew派咗两个人喺后面保护我，我哋谂住万一有啲咩事，我跑咗出去先，等佢哋去善后。我真系好惊曱甴⋯⋯”

《超友谊》由林一峰填词，再加上轻松的旋律，以音乐谱出林二汶的友情观。 歌曲一推出后就登上iTunes广东歌流行榜第一位及KBOX广东歌流行榜前十名，林二汶感到非常开心，亦盼将来能在音乐上作出更多不同的新尝试。