许颖原来系艺术学院毕业生 由写真女模变美术导师
撰文： 林通贤
出版：更新：
曾经是宅男女神的许颖Pheobe，近年在娱乐圈消失了，这位曾经在2011年出过写真，又同葛民辉合作的𡃁模，原来一直甚有美术天份，离开了娱乐圈后开始专注画画方面，到最近更开了画廊，教授学生画画及制作小摆设，亦由幕前慢慢成为KOL。
点击睇许颖画作及手工作品
+7
许颖接受《香港01》访问，她说：“画画都专注咗好多年，自己嘅画室都开咗６，７年，自画自己的作品多啲，同埋间唔中教下班啦，除咗画画就帮啲品牌做网上宣传多啲，而家就淡出咗娱乐圈啦，都唔驶好似以前咁刻意做啲娱乐新闻，应该话自己方向唔同咗。”许颖可以说是转营成功的𡃁模。
或者一众网友都记得许颖当年的新闻，不过她并没有介意，觉得是人生其中一个阶段，她说：“其实我冇话过退出嘅，当初入行因为自己好钟意影相，亦好贪新鲜感，好想试唔同工种嘅工作，但画画真系落咗好多年苦功，我谂系时候将重点转移下，每一个行业都有辛酸史，当年选择咗入行自己都会有心理准备，无论啲新闻好定唔好，做乜都会有两个可能性，以前嘅就系工作需要，但娱乐圈带俾我嘅，学到嘅，开眼界嘅都好多，呢个现实世界点样待人处事，就真系学到好多嘢。”
点击睇许颖其他生活照
+8