【专访】Think Big主持马俊杰等机会拍剧：你越想就越会得到

讲到香港的选美盛事，大家第一时间可能会想到《香港小姐》、《中华小姐》这类女士参加的选美活动，但TVB自2005年起举办《香港先生》竞选，为一众男士提供了一个平台。虽然纵观历届香港先生在娱乐圈的发展可能不及香港小姐，但很多男士也是因为这机会才踏入演艺圈，在2016年参选香港先生而入行的马俊杰（Linus），就是其中一位。摄影：叶志明

参选香港先生入行　密密操Fit望拍动作戏

Linus在加入TVB前从事设计工作，同时也有兼任模特儿。自小有一个演员梦的他，一直都希望可以在演艺圈发展，他也看中香港先生这个平台，希望可以借此实现梦想，但比赛在2012年停办，直至2016年才复办：“我有报过艺员训练班，但入唔到，《香港先生》又停办，咁等到2016年有喇就一定要参加啦。我大学嘅时候都有Keep住做Modeling嘅嘢，但长远嚟计都系Artist发展好啲，我钟意多变化啲。”

点击下图睇Linus参选香港先生嘅相：

外貌有些少似林奕匡的Linus，脸上总挂着笑容，不少人都大赞他形象阳光又有邻家大哥哥的感觉，加上身形健硕，在比赛时已经深受欢迎，但原来Linus以前系“孱仔”：“我而家182cm但系瘦到得120几磅，啲人就话我好似道友咁，咁我唔想畀人咁讲，就操大只。头3个月最见效，要食得多嘢，饮增磅奶粉，不断做Gym。Part-time做送货搬搬擡擡，夜晚再去做两三个钟Gym，一日食6餐，3个月由胸肌30吋增到36吋。”虽然因为工作关系，Linus如今少了时间做Gym，但他还是希望尽量保持Fit爆身形：“其实我自己都好钟意动作戏，好似林超贤导演𠮶啲好热血，所以我都想Keep住呢个身形，希望有机会做到呢啲打斗戏。”

做儿童节目主持两年　Linus望跳出Comfort Zone

Linus在《香港先生》竞选后入读演艺进修班，毕业后获安排担任儿童节目《Think Big天地》的主持：“有监制睇中我，叫我试下做Think Big嘅主持，咁我谂住可以训练一下自己嘅口才。一开始我对镜头有少少怯场，但慢慢练到可以压到场。同埋对住小朋友要灵活变通，你会识得点样执生，我觉得主持需要呢方面嘅技能。”Linus一做就做了两年多，眼见身边的拍档余德丞、林希灵、黄碧莲都相继离开节目，他也坦言自己也有想过跳出去：“自己都想，但系有负担，自己又有搞生意，出到去如果冇工作接住做点算呢？我都知唔会一直做Think Big，始终自己钟意演戏多啲。”

不经不觉入行已经近3年，但Linus拍剧的机会却寥寥可数，不过他就坦言面对：“我希望系人哋欣赏我而揾我，好过自己去敲门，会值得啲。我觉得做好自己嘅工作，系会有人睇到嘅。如果真系冇都冇办法，可能冇运气啦。（点解唔主动争取？）我性格比较内向怕丑，但我相信只要我做得好就会有人揾我。”Linus认为只要做好本分，就一定会有人欣赏，虽然可能未有更多演出机会，但他就觉得很知足：“起码我有呢个机会做Artist，做呢行你唔知将来会点，我自己都唔知明年或者下个月做啲乜。”

投资搞服装生意　Linus庆幸家人支持

除了演艺工作之外，Linus也有投资搞生意，他在今年1月创立个人品牌：“做艺人好多时啲衫都系Sponsor，之后又要Tag返佢，咁我就谂点解唔自己做，宣传自己嘢呢？而我本身做儿童节目主持，咪试下做童装先，等做得好啲我再试下做大人衫，或者其他嘢。”由品牌名到Logo设计，Linus都坚持亲力亲为，原本是希望搞生意增加收入，但现实却反而增加了自己的负担：“创业真系唔容易，投资咗6位数，唔止积蓄，仲有借钱。咁我每个月都有固定收入，就要去还借咗嘅钱，希望可以Cover到条数。不过做生意唔系你付出几多就收获几多，希望快啲收到应有嘅回报啦。”

追寻演员梦，从来都不是一件容易的事，幸好Linus的家庭负担不重，家人也表示支持。就算如今未能实现梦想，但他从未想过放弃：“如果你好想做一件事，就一定唔会放弃。你越想，就越会得到呢样嘢。无论几辛苦我都完全冇谂过放弃，不过系等紧一个机会。”即将踏入30岁，Linus也希望事业更上一层楼：“只要唔放弃，终有一日会成功，但我都唔想咁迟先成功。如果生意上赚到更多钱，会更加Support到我嘅演艺事业。”

点击下图睇Linus更多相：