【倚天屠龙记】数据分析5大最高讨论度赵敏 黎姿都未系最经典？
金庸小说历来翻拍不断，书写得好成为经典，呢个自然系好正常嘅现象。但有趣嘅系，每次翻拍之后，都总会有好多唔同意见、批评，除咗话改编得似唔似原创，都会针对演员同角色之间入唔入形入格咁。其实每个钟意金庸小说嘅书迷，大抵心入面都有自己嘅理想，理想嘅赵敏，理想嘅小昭，理想嘅周芷若，自然会同其他人嘅谂法唔同。最近2019嘅《倚天屠龙记》剧集播放，令呢个金庸话题更加如火如荼，唔知你又点评价呢套翻拍剧呢？今日DailyView细数5大曾经演出赵敏嘅明星，睇完之后再嚟睇吓最钟意边个喇喂！
五、金庸盛赞叶童神似
1994年台湾民视嘅《倚天屠龙记》，分别由两大美女叶童演赵敏、周海媚演周芷若。呢一版嘅倚天，最受人关注嘅系周芷若内心表达出色，好多观众都对佢我见犹怜。但其实叶童演出赵敏，一样好鬼精彩！传闻金庸赞爆叶童版赵敏，好似喺书入面走出嚟嘅人物咁，栩栩如生㖞。赵敏嘅机智、聪明，重情而有机心，喺叶童嘅演出尽显无遗，霸气却又温柔如水。
四、震摄网民嘅陈钰琪
中国大陆2019年翻拍嘅《倚天屠龙记》，喺正式拍摄之前一直备受关注，因为以前拍过嘅男女主角都好出色，真系珠玉在前，好似点样选角都会俾人批评咁。但当公布咗演员名单之后，好多网民都赞选角好，陈钰琪演赵敏嘅剧照英气十足，令大家都好surprise。其实陈钰琪出道咁耐，都演比较中性嘅角色，赵敏性格本身系巾帼不让须眉，唔怪得咁受大家欣赏。
5大最受欢迎赵敏到底系边个？（点图放大▼）
分析说明：本研究资料分析时间范围为2018年05月06日至2019年05月07日，共一年。互联网大数据系统观测港澳地区上万个网站频道，包括新闻频道、Facebook、Instagram、Twitter及各大讨论区、部落格等，针对讨论‘倚天屠龙记五大男女主角’关文本进行分析，并根据网友就该议题之讨论，作为本分析依据。本文分析之结果，非参考投票、民调、互联网问卷等资料，名次仅代表互联网讨论声量大小，不代表网友正负评价。
延伸阅读：
别怪她！《复仇者联盟3》萨诺斯让英雄灭团，惊奇队长在忙什么？
【本文由“DailyView 互联网温度计”授权转载】