杨秀惠做品牌生招牌　凡事瞓身亲力亲为：我会亲自讲解产品！

杨秀惠代表“杨秀惠美妆店”参加一连三天（5月14-16日）假湾仔会展举行的业内大型美容展，身为美妆店老板兼生招牌的秀惠当然亲力亲为，每天也有现身美容展打点一切。她说：“上次摆呢个展览已经好多年前，今次事隔多年返嚟参加美容展，同事用咗好多心机，比起当初第一次参展时，我要一个人搬货、Set场，今次身边已多咗好多同事帮手。”所以秀惠为鼓励员工们，不时会“万岁”请吃下午茶。秀惠在今次美容展更放下艺人包袱，亲自落场向客人介绍产品，主打皇牌瘦身产品的她更化为“杨瘦惠”传授瘦脸攻略。她笑说：“生意额比平时多咗好多，可能大家见我喺到亲自讲解产品，加上我介绍瘦身同瘦面产品，大家见完我真人后更加有说服力。”

被视为效法榜样

今次一连三天的美容展中，现场所见，不少途人找秀惠集邮，期间最令秀惠感到惊喜的是，有很多女士表示视她为效法榜样：“原来我坚持自己理想嘅时候，同时间激励咗好多身边嘅女仔，呢几日好多女性朋友都走嚟同我讲，我系一个好激励佢哋嘅人物。令佢哋知道创业唔系净系做一个挂名老板咁简单，今次喺现场见到我落手落脚，咁长时间同同事一齐去努力嘅时候就知道就算我系艺人，都可以摆低艺人嘅身份认真去做事。”对于秀惠白手兴家的创业故事激励到身边不少女性，她有感而发：“唔可以放弃，要坚持理想，唔好质疑自己，好多时觉得自己力量唔够，只要你相信同坚持，其实一定会做得到，每个人不放弃都可以有自己嘅一番事业。”