“御用肥仔”易智远为自己解话　爆前女友堕胎竟然因为张孝全

日前，TVB“御用肥仔”易智远在台湾接受当地传媒访问时，自爆曾经有女朋友为他堕胎，事件惊动香港传媒，立即作出跟进，不少网民指他借此事上位。今日，易智远公开邀请传媒，为此事仍出交代，并多次表示不好意思，为自己冲口而出的言论负责。

易智远在接受《香港01》访问时表示自己并不是刻意将这件事讲出来，更双手合什表示道歉，他说：“主要𠮶日做访问都已经去到尾声时间，当时位记者就问啲感情问题，有冇小朋友，结咗婚未。倾倾吓，咁啱𠮶阵有单case爆咗出嚟系张孝全事件，原来大家都唔知佢结咗婚仲有小朋友，当时我就有少少有感而发，其实我曾经都有个女朋友落咗小朋友。第二日出嚟报，做咗个标题，其实香港访问我一路都冇提呢件事，因为我自己都好唔开心，好内疚，因为真系做错咗，毕竟系一个小生命，我扼杀咗佢。其实我唔系刻意讲出嚟，听到人讲易智远讲返呢件事出嚟炒作，其实我完全冇呢个心。”

虽然自己未必真心用来炒作，但却难以阻止别人的想法，而且更伤害了当时另一位当事人—前女友。“我真系想同大家讲声唔好意思，虽然我自己入咗行廿几年，但面对传媒机会比较少，冇呢个经验，我觉得自己系冲口而出讲出嚟，其实系唔应该讲，就算对自己同𠮶位女朋友都唔公平。但冇办法，已经讲咗出嚟，我都会面对，同大家有交代。佢而家好幸福已经好幸福，其实我都冇谂到传媒咁关心，我一直都冇同佢联络，如果新闻出咗街佢揾我，我都会交代返，因为我都觉得唔好意思，将两个私事讲出嚟，我都要同佢讲声对唔住。”希望他将来讲说话小心点吧。