【PTU机动部队】林雪坦言仍恨攞奖　“边个唔想证明吓自己？”

由林峰、蔡卓妍、方中信主演的网剧《PTU机动部队》，云集一众好戏之人，当中老戏骨林雪曾凭著电影《PTU》夺得第九届香港电影金紫荆奖最佳男配角。对于今次阔别十年再度接拍有关PTU题材的戏剧，林雪直言对PTU有著一份情意结，又坦言至今仍然恨攞奖，更率先剧透《PTU机动部队》的动人情节。

早前林雪在记招上指剧中角色懒惰，似足自己，不过在访问期间，又为自己大平反，更解释“懒的哲学”。他笑言虽然今次的角色和演员不同，剧本跟电影都有分别，但自己很热爱今次的角色，皆因跟本人很相似：“我平时做人有少少懒，但我有担当，我为咗懒，会谂好多我应该做嘅嘢同好嘅嘢。其实我懒，并唔系懒做嘢，我系懒做无谓嘢，我用晒我嘅时间做有用嘅嘢，所以你哋错喇，你哋睇错咗我喇！”

提到十年前凭电影《PTU》夺得首个演艺生涯奖项，亦是自己第一套主演的电影，到现时拍摄有关PTU题材的剧集，还停留在夺奖的兴奋感觉。其实林雪好戏人人都知，不过他坦言仍恨攞奖，如果今次能够凭《PTU机动部队》夺得人生首个网剧奖项，肯定相当满足，笑言：“其实边个演员唔想证明吓自己？奖项就系最好嘅证明，其实我平时话唔恨领奖，我讲嘅都唔系心里面嘅说话，因为我系演员嚟，你哋应该明嘅！”

另外，林雪在剧中饰演的重案组警员跟方中信最多对手戏，更抢先剧透最感人的一场戏：“最钟意就系我被贼人‘搞掂咗’𠮶场戏，因为我用简短嘅几句对白，总结咗我戏入面嘅人生。正如我啱啱所讲，我唔会用时间做无谓嘢，遇到真系要为大众服务、甚至献出生命嘅时候，我系一如既往咁样走到最前面，所以我觉得𠮶场戏完结得好好！”