林盛斌半夜偷食公仔面惹太太不满　暑假前再通波仔：就嚟感情决裂

林盛斌（Bob）今日现身海洋公园出席环保宣传活动兼担任司仪，谈到环保，阿Bob透露太太是环保战士：“我都好受佢影响，以前细个对呢方面认知好少，太太会同我讲数据，胶袋带嚟环境嘅祸害有几严重，咁所以太太会教啲小朋友去快餐店买外卖时，唔用佢哋提供嘅胶餐具，仲要啲小朋友自备餐盒，自细要养成良好习惯。”

至于如何庆祝母亲节，Bob表示一家人去沙滩玩乐时，不小心弄伤腰部旧患，今天还带伤上阵做司仪，笑言母亲节当日可能玩得太过激烈：“将啲女抛落海𠮶时扭亲，当晚已经好痛，到我寻日再出席活动𠮶时，成条腰好似坐骨神经痛，走咗去睇跌打，一阵再去睇，要推下条腰。”

另外，阿Bob指暑假前将安排入院做第三次通波仔手术：“医生有叫我呢段时间减少食油炸食物，我已经都戒咗啲坏习惯，食少咗公仔面。试过有次，见我太太训咗，见成个星期冇食面，就喺半夜时分，偷偷煮咗个公仔面食，食食吓佢失惊无神走出嚟望住我，然后叹息，好无奈行返入房。咁所以我就嚟因为碗面，大家嘅感情决裂，亮起红灯，所以自己要反省一吓。”