【母亲节】爆妈咪钟意收花　邓丽欣认怕丑唔讲肉麻嘢：在心中！

昨日母亲节，有不少艺人都上载了同母亲庆祝的相片，不过邓丽欣（Stephy）就比较特别，携同妈妈参与慈善团体街头派花活动。由于首次以“母女档”行善，Stephy表示别具意义：“今日好特别就系我带埋妈咪出嚟，佢以伟大母亲嘅身份去派花畀其他母亲，可以同妈咪过一个好难忘嘅母亲节，因为未试过一齐做慈善，真系好开心！”在派花期间，Stephy家姐更惊喜现身，一家三口齐齐拍照留念。

Stephy与妈妈一早就到办公室准备物资，今次除了派花，更要令子女向妈妈当众送吻，将爱意传递开去。去到中午时份，Stephy突袭海旁送花引来大批途人围观及集邮，最终成功派发近50支康乃馨，亦成功令不少小朋友向妈妈献吻，场面非常温馨。

完成活动后，Stephy透露会跟妈妈吃大餐庆祝，更预备了一大束鲜花送给妈妈：“每年都会一家人庆祝，最紧要一家人齐齐整整，妈咪就最开心。我比较怕丑，遗传咗妈咪口密嘅基因，好少喺佢面前讲肉麻嘢，在心中啦！不过妈咪好钟意收花，佢好少女心，所以我准备咗扎花送畀佢，畀个惊喜佢！”

当Stephy打算送花之际，妈妈却被家姐秘密接走了，令她送花惊喜“挞Q”，搞笑谓：“我好顺利派晒啲花畀途人，但自己呢扎花就好唔顺利，派唔到畀妈咪。原本打算同妈咪派完花，上返嚟办公室就畀惊喜佢，但点知啱啱太多人，家姐就嚟咗接妈咪去食饭先，我要再揾个时机畀Surprise佢。”