【母亲节】林芊妤产后极速修身方法揭秘　Coffee：12磅人肉哑铃

每年母亲节，买花陪饮茶送礼物成为指定动作，到做咗准妈妈怀胎十月，先真正知道做妈妈最希望小朋友健康快乐成长。Coffee林芊妤半年前诞下儿子翟德贤后，正式升呢做妈妈。首次庆祝母亲节却大摆乌龙，Coffee笑道：“本来我约老公请妈咪食饭，后来醒起自己都系阿妈㖞，咪叫老公请晒我哋两母女食饭啰！”

Coffee喺产后极速修身，成为唔少妈妈偶像﹗日前佢应香港开电视节目主持马梓轩邀请，示范“妈妈瑜伽”，事关不少靓妈生育后都有难收身的问题，Coffee表示除咗要勤做瑜伽，佢举起儿子笑言：“我仲有呢只12磅人肉哑铃，凑佢真系好辛苦！”

囝囝出世后于网上人气高企，肥嘟嘟又爱笑亦为Coffee一家带来无限欢乐。问Coffee会唔会追多个囡囡？佢就笑言要问准儿子先：“而家阿仔系全家人焦点，佢实在占左我太多时间，半夜都要放题喂奶，仲边有时间生产！”不过Coffee最爱女儿，等时机适合就会努力造人。