【3日2夜】伍乐怡斥5位数做老板　开网店卖防晒运动装自己做Model

夏天将近，不少人也会趁阳光普照的天气出海滑水。不过滑水同时，对部份贪靓怕晒黑的女仕，阳光又的确让她们又爱又恨。TVB艺人伍乐怡（Kelly Ng）自与邝洁楹（Judy）一同主持《3日2夜》后，就成为了网民心中的“女神”，相信大家都会记得她身穿泳装玩水上活动的镜头。镜头前玩得不亦乐乎，原来镜头后的她也钟情于滑水等水上活动，甚至于自己开网店，售卖设计防晒运动装。

伍乐怡接受《香港01》访问时说：“我呢间网店卖嘅系防晒运动装，可以滑水用又可以平日做任何户外运动都着得。原本概念系想滑水用，因为长期晒太阳伤皮肤，又要不停补防晒，仲会污染环境。同埋因为自己容易晒黑，但系又钟意户外运动，所以入咗行呢2年都减少咗做运动，因为做呢行晒得太黑又唔系咁好，所以我先谂到防晒，自己想揾又揾唔到合心水，所以先想设计‘Wearable Sunscreen’，自己钟意之余，又可以带到畀其他人。”

按连结睇伍乐怡​（Kelly）有几Fit：

【3日2夜】TVB禁色令解禁？　邝洁楹、伍乐怡一秒除衫骚比坚尼

【3日2夜．多图】伍乐怡24吋小蛮腰唔使keep：除咗条腰都冇咩好露

她表示，这间网店算是由她一手包办的，前后筹备足足花了4个月时间。“初次创业，所以投资额唔系高，哈哈。（有冇十万？）又冇咁多，5位数啦，不过真实数字就唔讲啦。今次由设计、揾料、测试成品，到整网站都系自己做，啱啱开始都系要自己着自己做模特儿，希望减低啲成本，哈哈。不过将来做得Ok嘅，先再揾其他Model。”

网店所有事情都一手包办，那么会不会亲自做送货员将货物亲自送到客户手上？她回答说：“哈哈哈，Shipping会搞掂㗎啦喇，不过迟啲会有度身订造服务，俾人加个名上去，所以到时我都有机会自己亲手送货。”

今次开网店做老板娘，Kelly可算是落足心机，尤其是设计这一部份。“可能系我唔识画图嘅关系，又唔系好在行，所以由设计到有成品，再改良，都有4，5次以上，仲未计自己着上身出去滑水，试下件衫系咪真系有用同埋着上身靓唔靓。其实一开始都唔止呢几个款，但系过程真系几繁复，试完有几件效果冇乜好，所以最后都唔系话有太多款拎出嚟卖，贵精不贵多啰。而家开咗铺之后，我都会慢慢设计多啲款，一路会加多啲嘢落去。”