【铁探】剧情创新涉猎警队权斗　黄智贤：做写字楼工嘅人会有共鸣

黄智贤（Ben）今晚（10/5）出席在旺角举行的《铁探》“大结局终极电视送饭”晚宴，一众演员边食饭边睇大结局，现场气氛热闹。Ben表示：“呢个警察嘅角度，对我嚟讲有一种情义结喺度，自己又系天秤座，咁所以同我讲公平公正，特别有共鸣。”

有人就有权斗　黄智贤：遇到我会避开！

剧集讲述警察内部高层展开权斗，阿Ben直言：“喺其他行业中，有人嘅地方就有权斗，其实喺戏里面程Sir都有讲过，所以有啲做写字楼工嘅人，都睇得好有共鸣，都市人睇都会有，如果自己遇到权斗嘅时候，我系会避开嘅，真系难免会有，只要拍完剧自己做好自己本份，其他嘢我系会唔理，佢哋几时播我都唔会理，只要尽咗自己嘅力就得。”