【流行经典50年】薛家燕不停讲“唱得好好”　真正原因好sweet

《流行经典50年》的主持人转换过几个，又试过有不同的客串主持加入，但唯一一个做足这么多集主持的艺人原来只有薛家燕。有资深经验的家燕姐能够在节目站稳阵脚，当然有原因，出名是“开心果”的她，在节目为大家带来欢乐的气氛。不过有眼利的观众都发现有一个现象，究竟是什么？

观察所得，家燕姐每一集都有些常见对白。通常在表演嘉宾唱完后，镜头转移回到主持人身上，家燕姐都会讲一句︰“唱得好好啊！”，有时又会站在观众席前，再问身后的观众一句︰“系咪唱得好好听？”，或者“大家话系咪啊？”。有网民甚至观察到有嘉宾未能得到家燕姐的赞赏，是否等于唱得不够好？当然不是啦。《香港01》记者访问家燕姐，原来她常常重复一样的对白是大有原因，是想鼓励一众歌手和嘉宾，特别是“我不是歌手”环节的表演者，她解释︰“第一，我真系感觉佢唱得好，咁我去欣赏。第二，亦都有一啲‘我不是歌手’（嘅表演者），我话佢唱得好，我系想back up支持佢，因为大家知喺现场录影嘅时候，佢哋唔系歌手，好紧张，临到出台有啲都话手震，有啲就话标晒冷汗，我同佢讲‘唔怕，你唱到嘅，你OK嘅’，所以当佢哋唱完之后，我都会特别问现场观众‘系咪唱得好好啊？’，畀一个支持佢哋，鼓励佢哋。”原来家燕姐是用心良苦，出于好意地想支持一下其他艺人或者后辈，非常sweet！其实听到有人赞赏，真的会有信心一点呢！

原来家燕姐是想提携一下非歌手出身的艺人，她又补充︰“有时都会问到小田（拍档黎小田），畀啲建议佢哋，我都会叫佢哋加油，再上嚟我哋节目，我都系想畀啲正能量佢哋。所以可能观众会话我话佢唱我好，系咪去到个水准呢？呢个系另一回事。”（你自己系咪钟意问观众反应？）“系啊，佢哋都想融洽一齐，因为好多时表演者唱嘅时候，观众系有人嗌㗎，不过就take唔到佢哋嘅shot，所以我一去到观众𠮶度，我一定会问‘系咪唱得好好啊？’，等佢哋话支持，嚟参与嘅歌手就冇咁惊。”原来除了想鼓励嘉宾，家燕姐又话可能因为他们的一句赞赏，而令更多人留意到有心唱歌的艺人，可能会为他们带来更多机会，和上节目可能就会为他们带来出唱片的机会，就好似康华一样，在节目中唱一首《你怎么舍得我难过》令人眼前一亮，后来更有出碟。这个也是家燕姐想透过节目做到的，果然非常有心。

又有声音话家燕姐的主持有时非常兴奋，略嫌夸张，不过她就解释，想free一点，有时都会自己加一点新对白或“烂gag”，或者想考考歌手的反应，又或者对歌手本身的认识比写稿的工作人员更深，所以会出现“爆肚”对白。家燕姐又话有时自己讲完的“烂gag”或者互动，都会笑到流眼泪，“笑到跪低”，再录过又笑，所以都有好多观众钟意看他们的录影。家燕姐出名欢乐开心，都是想大家笑一笑，开心点啫！

节目其实采取现场录影的方式先录后播，所以容许有“NG”的机会，不过歌手们都是现场演绎，没有“咪咀”。家燕姐爆其实好多不是歌手出身又或者曾经是歌手但久未露面的嘉宾，因为对自己的要求太高，就算小田已经觉得好好，好满意，但他们都会想再录过，因为想做到最好。（近期有边个嘉宾你系好深刻佢哋好想做到最好？）“向海岚啦，同埋袁彩云，佢喺加拿大返嚟，佢系唱得好嘅，但佢录完一次再录一次，佢系对自己唔满意，虽然佢依家唔系靠呢样嘢（演艺）去生活，有家庭有仔女，但佢想有最好嘅一面畀大家睇。”果然大家都认真做好一个节目，才会得到大家的留意呢。

点击下图睇睇家燕姐点名赞赏的艺人同埋更多《流行经典50年》的图片︰