何超莲28岁生日　男友窦骁公开送礼劲有心思

5月9号系赌王千金何超莲28岁生日，连日来已经有唔少朋友轮住为佢庆生，收礼物都收到手软。不过今年有点不一样，因为超莲正同内地男星窦骁拍拖，上个月仲被影到喺电梯内激吻。热恋中嘅女士总会期待男友送咩惊喜，窦骁当然无令大家失望啦﹗

窦骁喺9号中午时份，于微博以《玖五•齐莲并蒂》为题发文：“郁瓣莲花柳罩庵，孤庵淽水浣莲潭，怡莲澈柳鸣沪邸，花朝花绽阳明山。”四句诗中三句都有“莲”字，相当有心思，最尾嘅“Hbd hun”，有网友猜测系“happy birthday honey”嘅意思。呢份心思比物质上嘅礼物更弥足珍贵，寿星女超莲当然好受落啦，留言并转发男友情诗，同样写下密语“Ty hun Ly爱你”，相信就系“Thank you Honey Love You”嘅意思。