【铁探】传追周柏豪　邓佩仪称笑料一则：未来10年都以工作为重

最近凭《铁探》卧底探员一角而备受关注嘅邓佩仪（Gloria），有报道指佢前年与周柏豪拍毕《再创世纪》后，不避嫌与对方保持联络，兼送礼献殷勤。对于突然被传搭上人夫，邓佩仪接受访问时，都不禁表示“完全系笑料一则”，并指与周柏豪同袁伟豪因拍剧而成为朋友，但已经有好一阵子无见对方。“感情事我暂时都唔会谂，未来10年都想以工作为先。”

听落虽然有啲跨，但对于一个正在上位中嘅女艺人嚟讲，又似乎合情合理。邓佩仪对于自己能在《铁探》受到关注甚感意外。“如果讲戏份的话，《铁探》无《再创世纪》咁多，但估唔到有咁好反应，无论系IG私讯、留言都收到好多，粉丝亦都话睇到我进步好多，真系好开心。因为自己7年来咩嘢角色都做过，好多谢《铁探》团队打造咗Kay呢个角色俾我。”
 

其实邓佩仪出道时，曾被批评表情木讷且讲对白生硬，直到《幕后玩家》唔再玩清纯，再加上一头短发，令观众开始对其有印象，而近年更有“短发女神”之称。之不过，见邓佩仪近日头发开始“到膊”，是否有意再留长头发呢？佢就解决此乃《降魔的2.0》造型需要，并谓：“我谂就算再留都只系会去到锁骨位，自问个样无咁突出，公司之前帮我设计一头短发，令观众对我有印象，粉丝亦都觉得呢个形象ok，虽然变化会少啲，但都会keep住。”对于自己拍毕《再创世纪》后，不时被指“麻甩” ，邓佩仪话大家可能期待她在《降魔的2.0》的斯文，因为她饰演一位千金少姐。“其实我拍剧期间，都会保持入戏，所以前排见到我麻甩嘅人，最近应该都会觉得我斯文咗好多。”

大家又觉得边个发型适合邓佩仪呢?