【诡探前传】沈殷怡弃做“律师女神”入行拍剧：监制喺IG发掘我

ViuTV剧集《诡探前传》于2019年4月29日晚正式首播，首播当晚网民就急不及待于网上讨论剧情。至今已播出一个星期共5集，网上普遍的评语都尚算不错，除有人发现，第一集出现帮助年轻版司马至全（游学修饰）的小妹妹是观音外，更有不少目光停留在电视圈中的新面孔彭百川（郑少秋饰）的女儿彭静身上。巧合的是，这位新演员与郑少秋的女儿郑欣宜的名字读音只差一个字，叫做沈殷怡。

入行首部电视剧即演“郑少秋女儿”
加入ViuTV前，沈殷怡（Shirley Sham）本身是在律师事务所任职见习律师，她接受《香港01》访问时说：“喺香港读完中学之后，就去咗复旦大学读Undergraduate同考咗内地律师牌。始终都系香港出世同成长，所以就回流返香港，喺中文大学读Law Master，毕业后先入咗律师事务所实习一年。”问及入行的经历，她说其实也是因缘际会之间，被ViuTV的监制在Instagram上发掘，再推荐她加入ViuTV。“其实我𠮶时仲喺律师楼做紧嘢，经过咗一番争扎先决定入行。”

沈殷怡与郑欣宜的相似之处　沈殷怡：一样有个好爸爸
虽然说，沈殷怡和郑欣宜，一个是郑少秋戏内的女儿，一个是郑少秋现实中的女儿，无论性格外观都不同，但两人都有还是有不少相似之处。说起二人相似之处，沈殷怡说：“大家都有一个好好嘅爸爸，哈哈。因为我都好景仰我自己亲生Daddy，我同秋官拍呢套戏，饰演彭静嘅时候，佢都系一个非常之好嘅爸爸。我知道，秋官都系演艺圈入面一个好爸爸嘅榜样。我相信我同佢一样，都好为自己热爱嘅事情努力。因为我自己都有去睇佢演唱会，我都好钟意佢。佢声线系非常之特别，我好钟意佢嘅歌，所以都特登去听佢演唱会。我睇佢有闪闪发光嘅特质，所以我都希望自己有呢个特质。”

【诡探前传】最难忘彭静结局一幕 沈殷怡：呢一世都唔想经历​

【多图】严选5位ViuTV最被低估新女艺人　第1位同冯盈盈比唔输蚀

剧集与现实中的“郑少秋个囡”的不同之处：成长背景唔同​
那么，不相同的地方又是甚么呢？她回答说：“唔同嘅系，我同欣宜成长背景好唔同，佢自细就好努力咁去实践自己想做嘅事情，而又有而家咁好嘅成绩；而我就系冇咁勇敢听从自己内心声音嘅人，直到我自己做咗一年律师，先发觉自己想做其他事情。虽然成长背景唔同，但系都系𠮶句，对住自己钟意做嘅嘢，大家嘅态度都系相似嘅。”

“我好感受到秋官对佢囡囡嘅爱，其实秋官有同我讲过：‘嗱，你就系我嘅前世情人，囡囡就系我前世情人，所以我点会对你唔好呢？我一定会畀你食住，就好似我而家成屋都系女人咁。’甚至佢仲将段对话摆咗上自己个Fanspage。或者呢啲就系真正嘅父爱。”