【晚吹】室内设计师大爆客人趣闻：套厕唔可以出现水系咩玩法?
撰文： 邝钰莹
出版：更新：
最新一集ViuTV节目《晚吹- 又要威又要戴头盔》请嚟四位室内设计师，讲述喺寸金尺土嘅香港，为客人设计屋企时遇上种种趣事。当中包括要喺100呎单位内放置65吋电视机、L形沙发以以及4人餐台，亦都有试过有客人要求将32呎厨房“整得grand啲”。
难得买到安乐窝，任性少少都好正常，其中一个室内设计师就话，试过帮一位客人设计一个三千呎单位，魔具均由外国订购，点知当部雪柜送抵时，先发现入唔到门口……“屋主曾经尝试同民航处联络，想申请直升机喺屋企附近出现，将电柜吊入屋。”听落都几离地，但有钱就是任性，设计师仲话呢位屋主想亲自驾直升机……问到点解唔将雪柜用吊臂运入屋，设计师就话因为地面太斜，比较难稳定吊臂，同埋，管理处唔同意喺天台暂时加装吊臂 ，咁最后点算呢？“后来屋主去外国，揾电器生产商，包机票、食宿，请负责人嚟香港，将雪柜拆件，入屋之后再装嵌。”