【武博】欧锦棠难忘《精武门》与甄子丹真揪：佢叫我唔好留力！

欧锦棠今日（3日）出席武博活动，忆起自己9岁的时候看完《唐山大兄》就买了个沙包回家，跟着哥哥乱打，这是他第一次接触武术。欧锦棠说：“真正去跟人学就系小学六年班，真正学前一直都系乱咁嚟，冇人教就自己喺坊间买武术丛书返去练，𠮶时系傻傻哋练铁砂掌，功夫用品就买铅嘅脚套，日日带住返学乱跑乱踢。屋企𠮶阵思想比较守旧就唔畀我去学，然后见到我都揿唔住，怕咗我先畀我去学。”

欧锦棠自90年代入行起就是有名的习武影星：“好感恩喺我入行嘅时候，香港嘅电视电影仲有好多动作需求，好多导演、监制见到我嘅身手都觉得我帮到手，所以比一般人多咗好多机会。”刚入行要学习的事还有很多：“入行冇几耐发现自己用搏击武术唔识留力，好容易伤到自己，因为夹硬要控制自己嘅拳脚、速度，然后有啲觉悟，就特别去学咗拍戏用嘅武术，例如中国新兴嘅长拳，虽然动作大啲、花巧啲，但对拍戏嘅美感系好有用。”

欧锦棠称拍摄亚视剧集《英雄之广东十虎》（1999）十分难忘：“一套挂正头牌，用一啲好经典、真实存在过嘅人物嚟做故事，每一集几乎都有大大小小嘅武打场面，虽然系有电视嘅夸大成份，但系基于传统嘅武术动作；而且里面基本上90%嘅演员都系识功夫，所以拍起上嚟特别有味道。”但说到拍得最过瘾的合作对象，欧锦棠说：“一定系亚视套《精武门》（1995），同甄子丹狂揪𠮶一场！因为系真揪！大家都唔留力、冇戴护具！因为我系泰拳手，着冇袖衫、短裤，他就着件笠衫，然后就打，嚟真嘅！佢同我讲唔好留力，丹爷叫到唔留咪唔留！”