钟嘉欣携子与处女党成员RE-U　王君馨爆料：第一次真系好爽

喺娱乐圈入面虽然个个人都系竞争对手，但一样可以识到真心朋友。被外界称为“处女党”嘅钟嘉欣、王君馨、苟芸慧、李亚男、岑丽香因为有共同信仰而成为好姐妹。虽然佢哋自后离巢无再一齐共事，但绝对无损佢哋之间情谊。最近嘉欣返港工作兼度假，当然有同呢班姐妹见下面啦。

钟嘉欣带埋一对仔女从加拿大回港，早两日出席活动时化身主持访问荷里活型男，饰演“星爵”嘅Chris Pratt，亦抽时间同剧集《溏心风暴》、《华丽转身》嘅演员聚餐。呢日轮到姐妹们girls talk啦﹗嘉欣带埋囝囝同王君馨、苟芸慧及李亚男见面，仲喺街头合照。

除咗刚生完BB嘅香香之外，其余4位靓靓人妻都有现身，王君馨仲喺IG爆原来呢晚系佢哋嘅第一次﹗“第一次成班姊妹喺街度行嚟行去，原来真系好爽！之前净系系屋企聚会或者小（少）人的餐厅，今次好放纵﹗如果有套电影叫“妈妈特工”可以考虑我地（哋）。”大家见到几位靓太喺街头一齐出现，又真系会几哄动嘅﹗难怪佢哋要拣夜深时分先喺街自拍啦。