黄心颖累多套新剧压仓底　男一张振朗：无谂过咗去嘅事，期待新作

上月黄心颖与许志安被爆出的士车厢激吻事件轰动全城，两人形象插水要即时停工，复工无期，演艺事业冻过水。而心颖早前已拍好的《法证先锋IV》，该剧总监梅小青就亲口证实了需要删走她的戏份，再由他人替顶她的角色重拍。另外三套心颖主演的新剧，包括《坚离地爱坚离地》、《丫鬟大联盟》以及《牛下女高音》则恐怕会播出无期，永远沦为仓底货不见天日。《香港01》访问了无线制作部助理总监 (戏剧制作) 徐正康，问他《坚离地爱坚离地》以及《牛下女高音》这两套剧会否有机会好似《法政IV》那样可以重拍。

徐正康说：“我哋未有咁嘅打算，因为我哋两套剧都已经系完全完成晒㗎喇，咁所以如果重拍呢，会有一定嘅复杂性啰。”如果只是重拍有心颖的部份可以吗？对此他说：“呢两套剧个角色安排系有啲唔同嘅，戏份亦都系有啲唔同嘅，而且如我所讲啦，两套剧都已经制作完成晒，大部份其他演员亦已经入咗剧，布景、服装各样野都已经冇keep，所以就算净系重拍某一部份，都系相当复杂，所以暂时未有咁样嘅谂法。”至于两套剧是否无机会播映，他表示：“我哋当然希望可以播出，应该会睇住个情况发展再同节目部研究。”

而问到为该两套剧担任第一男主角的张振朗，可会担心这两套剧会永不超生？他回复《香港01》表示：“无谂过咗去嘅事，啱啱完成咗套《极度怪咖》，已经用咗好多心神，自己亦好期待。喺到都好想答谢所有支持同期待睇到我新剧嘅朋友，希望大家可以继续咁支持我，同埋嚟紧播出嘅《机场特警》，多谢哂！”