华谊兄弟狂蚀11人亿人仔　冯小刚、郑恺被求以现金补偿

旗下拥有Angelababy、李冰冰等一线艺人嘅华谊兄弟，喺日前所发布嘅业绩报告中显示公司去年亏损近11亿人仔，主要原来系“重点电影项目票房失利及商誉减值”。其实去年发生“阴阳合同”事件后，华谊兄弟股价大跌，试过一日内蒸发20亿人仔。

公司蚀钱，早年被华谊收购嘅“东阳美拉传媒有限公司”，其股东冯小刚随即被要求作出补偿，事关佢曾经承诺过会为公司带嚟不低于1亿人仔嘅业绩目标，每年增长15%，由于去年冯小刚嘅公司净利润只得6,501万，与业绩目标1.32亿有所差距，故需要作出6,700万人仔嘅现金补偿。至于另一位华谊艺人郑恺，佢有份主演嘅电影《前任3：再见前任》去年上影时虽然大收20亿，但由于佢都系未达标，故同样被要求补偿，金额为1,962万人仔，二人同被列为华谊兄弟嘅前五大欠款方，有指冯小刚喺4月初就已经完成“补偿”手续。原来天价嘅背后，都系需要有付出。