《法证先锋IV》受黄心颖影响被抽起？　谭俊彦：我问过洗唔洗重拍

谭俊彦（Shaun）昨天（28日）出席《第七届全港运动会》活动，Shaun今天更以歌手身份献唱《红日》，平常也是看见Shaun的工作主要是拍剧，摇身一变做歌手，他笑言连自己也猜不到：“我成日问点解会揾我唱歌呢？因为冇乜人会觉得我唱歌㗎嘛，原来佢哋睇咗《流行经典50年》，今次仲要第一次红馆四面台，我咪叫埋囡囡嚟睇，我屋企练歌时候佢仲好开心做我观众，我冇谂咁多，唱好佢就得。”

不说不知十多年前Shaun曾录音做歌手更出过专辑，他自嘲地说明显当年是不成功：“其实依家再有机会咪试下，都会唱返少少歌，不过拍戏同唱歌唔同，唱歌要跑返步练气，叫做有个目标。”

近期“安心”事件中除了当事人令事业受影响之外，黄心颖主演的剧集也被抽起，TVB重头剧之一《法证先锋IV》心颖亦是主演之一，Shaun是主演之一，但他表示不太担心：“如果我担心我担心咗《包青天》先，不过对我嚟讲完成咗就唔谂咁多，因为后面我仲有其他剧，做演员谂唔到咁多，至于会唔会抽起公司决定，我都问过洗唔洗重拍，因为我要剪头发，但佢哋话唔洗，咁睇公司安排。”