梁裕恒IG Followers暴升11倍　突全删撑黄心颖言论再被闹爆

黄心颖许志安被爆于的士车厢激吻已经十日，两位当事人及佢哋嘅另一半郑秀文和马国明都已经先后发声，亦表明希望事件尽快平息。但呢10日以来有一位仁兄不停发声，佢就系落选港男梁裕恒（Flow）。连日来佢喺社交网站又写长文又拍片力撑黄心颖，点知呢日全部post都唔见晒，到底发生咩事？

Flow喺4月20号凌晨开始发功，贴出同黄心颖嘅合照，留言指自己知道安心事件嘅内情，又撑女方只是一个渴望爱情的小女孩，被各路人马大指抽水。唐诗咏于网上发文话要学懂沉默寡言，Flow又于Facebook上发功，向对方反击。至24号晚更化身金田一，拍片放上youtube质疑安心事件背后有阴谋，将火头辣向埋马国明与Sammi身上。

片段上载短短1小时就被Flow删除，虽然佢一路唔理各界怒骂抽水搏出位，但去到26号又忽然将IG及Facebook内所有撑心颖嘅相片文章删除，到底系佢抽丝剥茧后发觉自己推理有错，定系连日来发功令IG Followers急升11倍至一万一千多人，已经达到当年选港男时所讲嘅：“我想要知名度！”所以决定收手？真系不得而知啦。