【廉政行动2019】嫲嫲拍片大赞陈家乐好靓仔 ：我冇迫佢讲㗎

陈家乐和陈滢（Jeannie）今日（25/4）现身尖沙咀举行的《廉政行动2019》剧集造势活动。影帝郑则仕(Kent哥）在剧中饰演一名前香港贪官，将与两名ICAC调查员（陈家乐、陈滢饰）展开角力，将会有连番激斗剧情紧凑。Jeannie大赞Kent哥够专业：“记得我哋围读嘅时候，佢好做足功课，佢好有意见，想呢近呢两集点样可以出到嚟嘅效果好震撼，喺我哋围读嘅时候，睇到Kent哥已经入晒落呢个角色到，见到佢做每样嘢都咁有要求，自己都要学习。”

陈家乐近日为剧集《廉政行动2019》宣传造势，不惜出动嫲嫲拍片，并上在IG发文话：“我冇迫佢讲㗎，你哋有冇睇呀。”片中家乐问嫲嫲有咩咁好睇？嫲嫲话：“好睇，睇你咁靓仔。”网民大赞嫲嫲好得儿。家乐笑言：“因为宜家播咗三集，咁啱呢三集我又唔喺香港，咁返嚟就同佢哋一齐去睇，咁所以我要问咗佢有冇睇咗先，如果佢睇咗就无谓迫佢陪我睇啦，咁佢就话有睇，睇我靓仔呀嘛，我冇迫佢㗎，我认真问佢㗎，哈哈。”