【流行经典50年】Aka唱偶像彭羚金曲︰想证明畀人睇我唔系咁差

《流行经典50年》一向是星期日的“长青节目”，播映至今，令好多久未露面的歌星重现幕前，也让不少歌星艺人再一展歌喉，就好似上星期日（21/4）播出的一集，组合Super Girls的成员Aka（赵慧珊）就第一次以个人的身份在节目中亮相，她唱出彭羚的《无人驾驶》，歌声引起了观众的注意。

Aka在节目中唱出偶像彭羚的《无人驾驶》，主持人胡诺言就话网上有人赞她的声音有点似90年代的天后彭羚，而节目出街后，都有不少正评赞她唱得不错，又有留言讲︰“唱得好好㖞，成日话新𠮶班唔得（虽然都唔算新）但外型OK又唱得，反而无人捧”。《香港01》记者致电Aka访问，她指因为该次录影是她第一次以个人身份上节目，“所以心情劲紧张，因为所有（表演嘉宾）都系终极级嘅大前辈啦，又唔想阻人收工，所以个心情系快啲努力啲唱好佢啦。”对于被指声音似彭羚，她就谦称︰“我好多谢佢哋，但我绝对唔够胆咁样讲，因为我觉得佢系终极级嘅天后，我觉得我自己系冇资格可以去同佢比较，但系有人咁讲我就觉得系一支强心针，可以俾我知道原来我可以继续唱歌嘅，原来系有人听嘅，咁已经好开心。”

Aka属于跳唱组合Super Girls的一员，她又有靓样又有长腿，会被人定型为“偶像派”，要冲破这个框框，要同人讲自己是有实力的，是需要付出更多的努力，她坦言自己都有因为这样而不开心，虽然外形会先让人接受和记住是好事，但她指︰“好多人都觉得我好似咩都唔识，好似一个花瓶，其实都真系唔开心，好似畀人定型咗咁，我唔够胆讲话我依家好识唱歌，都系努力学习阶段，但我就好想证明畀人睇吓，我唔系咁差，喺呢一方面。”Aka在节目中的演唱未必是完美，其实也略有瑕疵，不过就见到她的努力和付出。

节目里面，Aka提及过觉得《无人驾驶》这歌同自己的爱情观相似，她在电话访问中解释︰“我觉得爱情呢样嘢系分内外嘅，内在一定系住咗一个你，而内在嘅你系主宰住你主观嘅情感，所以点解好多人佢哋明知道对方唔值得去爱但系佢哋都个心系向住佢哋，或者你见到一个人，点解会心跳，其实系因为你里面𠮶个你话畀你听你喜欢佢，我觉得就好似呢首歌咁样，就系撞㗎啦，去到你钟意𠮶个人，你就会觉得好似控制唔到架车咁，会周围去嘅，我觉得呢方面好系我自己啰。”（你自己喺爱情方面都系横冲直撞？）“以前系咁嘅，但系依家就会克制啲啦，因为可能曾经撞过板，知道唔可以净系凭感觉。”（“撞板”嘅意思系俾人呃？）“我谂又唔会俾人呃嘅，可能系佢对你唔系咁好，但你都会好麻目咁去继续去爱佢，去等待佢，keep住咁去please佢，好唔识得潇洒。”不知道讲紧的是否她的前绯闻男友吴业坤呢？