罗天宇爆自己对阳光敏感　拍外景晒伤：琴日只手肿到猪手咁

罗天宇出席“明星慈善篮球赛”，与森美、翟威廉、周志康和苏皓儿等艺人，跟甲一篮球运动员一同在运动较量兼为慈善出力。罗天宇接受《香港01》记者访问时，透露自己原来对阳光敏感，昨天拍外景时手被晒伤：“琴日肿到成只猪手咁，好彩今日搽咗cream退咗啲，所以今晚就可以打到篮球。”罗天宇形象非常阳光，想不到原来竟然对阳光敏感，他指：“好多活动都做唔到，最主要系拍外景，因为拍外景好多时都会长时间喺阳光底下。”

罗天宇现正拍摄《降魔的2.0》，原来他是第一次拍“打戏”：“拍完个成功感好大，因为有时啲动作都唔系咁容易做㗎嘛，尤其是我哋拍𠮶个位系石滩嚟，好多石嘅，所以好多时候都失重心，其实系一个磨练嚟嘅，或者今次拍完之后，自己都真系去上吓堂啊，练吓呢方面嘅嘢，好实用。”

早前罗天宇跟旧爱汤洛雯（Roxanne）远赴挪威拍摄《3日2夜》，罗天宇指拍摄时的天气不好，打乱了一些计划中的行程，因为天气问题，连极光都观赏不到。但他就笑言跟前女友Roxanne合作没有尴尬，“因为我哋本身都有联络嘅，我哋去嘅时候好有默契，佢又知道应该点样去沟通，所有嘢都唔需要太顾及大家嘅感受，因为大家已经好熟悉对方，变咗拍摄嘅时候好顺利。”对于外界指觉得他们好衬，想他们复合，罗天宇就坦言：“呢方面就迟啲再算啦，而家都系专注返事业先。”