【权力游戏】Arya无上装床戏 Fans崩溃：似睇自己阿妹偷尝禁果！
全球亿万影迷的焦点、HBO超级大剧《权力游戏》已首播的最终季第2集中，各大家族联合对抗异鬼大军的战火一触即发！剧中各人或与曾有仇怨的旧识化解心结、或者把握机会享受最后的宁静。史塔克家嘅细女Arya决定喺生死交关之前偷尝禁果，体会性爱欢愉的滋味，于是主动同相识已久的先王私生子Gendry上床，告别处女之身。由于绝大多数观众都睇住Arya由第1季小女孩一路长大成人，虽然明知迟早有咁嘅一日，当真正睇到呢一幕，都系有啲难接受…
《权力游戏》第8季第2集Arya偷尝禁果一幕逐格睇▼
《权力游戏》由一开始，性爱场面就从来冇轻手、故作含蓄，大多数主角都有过激情或者裸露戏份，唯独第一季中仲系小朋友的Sansa 、Arya、Bran等史塔克姊弟，一直都唔驶脱、拍摄令人尴尬的“清凉镜头”。Sansa 之前曾经有新婚之夜惨遭强暴的片段，编导选择用稍微节制的手法呈现，扮演Sansa 的Sophie Turner亦唔需要裸露。但到咗Sansa 细妹Arya“破处”场面，就冇咁易放过扮演者Maisie Williams。有趣嘅系，Maisie原本唔知真系要拍床戏，仲以为两位编剧拎假剧本呃佢。
Maisie Williams由2011年第一季起就是以史塔克家细妹Arya一角出现，一路煲开剧的Fans可谓由细睇到佢大▼
Maisie Williams而家已经22岁，冇唔能够拍激情戏嘅问题，佢同Sophie由第一季开始扮演姊妹，所以私下劲Friend底。有一日Sophie打电话问佢剧本睇到边度，佢话仲睇紧最终季第一集嘅一半，Sophie即刻要佢睇吓第2集某场戏，佢先知终于轮到自己要拍裸露戏，不过依然以为系假剧本。结果，两位编剧话佢知，虽然之前拎过假剧本整蛊演员，但系最后一季冇必要咁样做，Maisie先知呢场戏非拍不可，即刻嗱嗱声去健身操Fit个body，提前做好准备。
其实广大的权迷Fans中，支持Arya与Gendry一Pair的不在少数，但编剧一下子令二人关系向前迈进咗咁多，剧迷纷纷网上留言表示：“好似睇到自己阿妹搞嘢咁，眼冤！”不过，当到剧集首播时，最大尺度只系播咗Maisie裸上身侧面露乳嘅镜头，冇完全露晒。
延伸阅读：
【本文获“联合新闻网”授权转载。】