【黄心颖许志安】曾经背负出轨罪名　裕美：我冇资格去批评任何人

裕美今日（22/4）现身支持在中环举行的《4.22世界地球清洁日》启动仪式活动。裕美表示能够参与这个活动非常荣幸：“本身自己都好钟意小动物，又养咗一只狗，试过有次带只狗出去散步时，我只狗食咗街边嘅垃圾，导致条肠塞咗，要做手术攞返出嚟，咁所以明白垃圾废料要好好咁处理，唔应该乱咁抛弃，我哋要爱护地球，减少制造垃圾。”

黄心颖有份参演的无线剧集《坚离地爱坚离地》，原定紧接《铁探》后播出，但因“安心”事件发生后，无线决定抽起停播。有份在《坚》剧演出的裕美表示：“当我知道呢个消息时，自己冇谂过套剧出唔到街嘅问题，我只系担心佢哋4个人有冇事，当佢哋要面对呢单新闻嘅时候，点样去处理自己嘅心情，当然我哋每个人有时候喺唔同嘅timing，做咗一啲唔应该做嘅嘢，但系自己都系一样，所以我冇资格去批评任何人，但系我觉得发生喺我身上发生嘅事情，当中系有好多原因引发，所以希望佢哋能够安然渡过难关。”