卢巧音开入行20周年演唱会　不抗拒夫妻挡演出

卢巧音(Candy)入行21年，去年想搞20周年演唱会，但因为各种原因而不成事，今年终于实行计划，她日前作客TVB娱乐新闻台节目《StarTalk》，接受主播许文轩(Edmond)专访，大谈即将举行演唱会感受，她说：“本应上年想做20周年演唱会，不过一来冇埸，二来工作又多，唔想特登为咗20周年呢件事而求其揾个地方做，缘份到咗今日，就当系一个20周年纪念活动嘅闭幕演唱会，有Fans话返俾我知，今次开骚𠮶两日，咁啱就系我2003年喺红馆开骚𠮶两日，真系好巧合。”

Candy与乐队Kolor主音Sammy结婚多年，Edmond问她会否介意夫妻挡演出，Candy表示会采取开放态度，她说：“夫妻挡唔介意，不过有时觉得工作还工作，私事还私事，好似Kolor去内地巡回，我有时都唔方便跟去，就当俾佢哋几个大细路自己安排，有时多个女人喺度，我觉得会系一个负累，我好似有个气场喺度影响佢哋。”

Candy在专访提到近年爱上跑步及做运动，为她和老公带来的影响：“其实系跑步爱上咗我，之前我同老公嘅身体同情緖都差，初初系佢跑步做Gym先，而我因为左脚有旧患，行得快都会痛，所以我就去跑，睇吓安多酚有几劲，原来真系好劲，依家变咗我生活嘅一部份，就算落雨都会去跑，跑完马拉松之后，我老公叫我跑埋超马，大约60至100公里。跑步可以练气、练意志，认识好多新朋友，跑步时仲发现香港还有好多好靓嘅地方。”