【郑秀文许志安】黄心颖IG密晒名牌战利品：我系好活在当下嘅人

与人夫许志安后偷食后，黄心颖连日来猛烈批评，形象大插水，无论系代言广告抑或参演剧集都即时连人一齐放入雪柜。对于被指搭上人夫，有网民认为黄心颖此举纯粹系好胜、贪慕虚荣。是否属实，相信只有当事人最清楚。不过就佢经常喺IG晒名牌嘅行径，其实都甚为港女，而佢仲曾经公开表示过：“我好大使，佢（马国明）养唔起我架。因为我嘅理念系你都唔知人生几有长，呢刻我钟意嘅都会尽量买俾自己，我系好活在当下嘅人。”系未暗示马国明唔够富贵？定预计到自己迟早会出事，所以早买早享受呢？！

30岁嘅黄心颖入行7年多，有楼又有车，本身已60万Jeep越野四驱车代步嘅佢，去年以120万入手白色保时捷跑车，而佢当时亦承认系因为工作收入大增，故换车奖励自己。除咗车同楼之外，试过被影到同妈妈于名牌LV买到一袋二袋嘅黄心颖，亦曾于IG分享其价值7万元嘅Hermès Birkin Bag、CHANEL J12手表，仲话“做人有时就系要宠坏下自己”。而偷食当日，黄心颖身穿嘅BALENCIAGA近期频频出现喺佢身上。

除咗港女必备品牌之外，潮牌Vetements、SUPRME亦不时可以喺黄心颖身上发现，无论系衫、裤、帽都有，早前LV X SUPREME围巾，炒价约为一万多元，黄心颖亦都有条。另外，有指之前马国明曾买下约20多万嘅Boucheron钻戒送予黄心颖作为订情礼物。