【法证先锋】高钧贤青涩靓仔样获大赞：我都算系第一代小鲜肉

TVB经典悬疑推理剧《法证先锋》系列最近在深宵时段重播，再度掀起煲剧热潮，首集收视更超越过往在深夜重播的剧集，大受欢迎！目前正在播出第二辑，除了加入了佘诗曼、郑嘉颖等新角色之外，饰演阿佘下属的高钧贤（Matthew）也备受瞩目。近年转往内地发展的Matthew，发展都相当不错。

Matthew在2005年参选第一届香港先生夺得冠军，外型高大靓仔，斯斯文文，懂钢琴、冰上曲棍球和滑雪，深受粉丝喜爱。刚出道他就有机会参演重头剧《肥田囍事》，其后更获安排参演《法证先锋II》，他在接受《香港01》访问时都表示拍摄过程很开心：“同阿佘合作好愉快，𠮶阵都仲好细个，可以话系第一代小鲜肉。当时呢套剧喺内地都好受欢迎，好多观众都系因为呢套剧先认识我，对我有印象。”

在TVB的9年时间里，Matthew多被安排演一些文弱书生或斯文角色，演艺事业未有突破，于是在2014年决定离开无线转往内地发展：“初初都好顺利，第一套剧就系拍《山海经之赤影传说》。但始终30岁重新开始，所以自己都慢慢摸索。试过遇到啲好角色，但最后冇拣我都会觉得唔开心，不过我都会尽我能力去做，希望储多啲经验。（收入系咪都多咗？）当然，但始终唔系话全年都有剧拍，都要靠经理人sell我同自己争取，呢四五年嚟我都试镜过上千套戏。钱固然重要，但都会睇角色有冇得发挥。”

Matthew近年在内地慢慢演出知名度拥有人气，曾在剧集《包青天》中饰演展昭、《战狼.战狼》饰演罗也君，令不少人对他刮目相看。最近他更接拍以澳门回归为背景的剧集《弯弯的大湾》，目前在珠海如火如荼拍摄当中：“啱啱入剧组，呢套剧到时都会喺CCTV播。今次嘅角色系一个富二代，做罗嘉良个仔。细个睇《创世纪》已经好钟意罗嘉良，当初都系因为佢先会返嚟参选港男，估唔到入行15年后终于可以同佢合作。”

Matthew透露现时拍剧为主，闲时会去旅行，鲜有在香港公开露面，就连社交平台都难觅踪影：“其实我近呢一年嚟都好少更新IG同微博，可能因为个人成熟咗，希望专心拍剧。”Matthew在北上发展前已经有一位圈外女友，两人拍拖以来感情稳定：“大家喺埋一齐咁多年都好清楚想要啲乜，佢有时都会嚟探班。（有冇谂过再进一步？）暂时都未有结婚计划，而家专心工作，但我想将私人生活同工作分开。（结咗婚都唔会公开？）私人嘢都想Keep private，但暂时冇谂呢方面。”