【黄心颖许志安】贱男偷食有样睇　ViuTV新节目教你睇“通奸线”

黄心颖偷食人夫许志安，轰动全城，与此同时，亦制造了不少“抽水商机”，由九巴、车cam到游戏机手掣，真系抽到尽。而ViuTV节目《点相》最新一集竟然咁啱得咁桥讲“贱男”。
 

据主持人皓云师傅表示，原来偷食系有样睇的：“面相上睇一个人系唔系骗子，可以先睇嘴巴，口为出纳宫，一个人个嘴歪、牙与牙之间分开，代表呢个人非常钟意讲大话。如果男性眉尾好弯又带水注注，代表呢个人容易因感情而失去理智，眼细长有泪水的话，叫来者不拒。”

而代表一个人嘅意志同斗志嘅山根位，皓云师傅话如果喺山根位置上有条好细好幼嘅线，呢条线被称为“通奸线”，在男方出现主妻有通奸之事， 在女方出现则主夫有通奸之举。“呢种人专门跟同老婆好姐妹、朋友偷食”。