【黄心颖许志安】马国明妈妈被追问绿帽疑云　尴尬苦笑：拍戏呀？

现年30岁的TVB小花黄心颖今日（16日）被揭背住拍拖近4年的男友马国明，与“人夫”许志安于的士车厢中拖手兼激咀，疑二人双双偷食断正，消息震撼全城！虽然黄心颖、马国明、许志安同郑秀文这四位主角暂未有回应，但就有媒体率先找到马国明母亲亲自回应。

打扮得相当朴素的马妈妈下楼看见大批传媒表现相当淡定，被问道是否得知“准新抱”偷食时，马妈妈就一脸愕然：“我唔明㖞，唔系好清楚呢啲嘢。（今日有冇睇新闻？）冇。（心颖被影到……）喺度睇？冇真系冇。（𠵱家知道呢件事会唔会好愕然？）……”马妈妈苦笑而不答。

黄心颖许志安车厢激吻 网民激动闹爆IG急删留言功能

【黄心颖许志安】如果你系的士司机　真系为“道德”侵犯私隐？

【有片】许志安黄心颖去年情深拖手唱《会过去的》　又拖又揽冧爆

再被TVB娱乐新闻台林子博追问儿子和心颖感情关系，她就称：“（马明同心颖系咪仲好好？）系啩…（对上一次见佢系几时？）好耐啦㖞。（过年有冇同你拜年？）有。（拜咗年之前就冇见过？）系呀。（马明有冇同你讲佢同心颖近排感情有咩争拗？）冇㖞。（感情好稳定？）我唔系好理呢啲小朋友嘅嘢，但你啱嘅，要结婚嘅要同我讲。（有冇同你提过佢哋打算结婚？）冇㖞，系做朋友。（但𠵱家新闻出咗，有埋片段，心颖同许志安…）我真系冇睇到㖞，因为㖊日我去咗打麻雀。（晏就12点先出。）我唔识，唔识搞呢啲嘢。马明仲喺屋企睇波，我仲见到佢。（你出嚟之前佢仲睇紧波？）系呀，睇紧波。（有冇同你阵间要出去开工？）要，要开工。（有冇担心佢？）唔知㖞，又唔系真系证实到。（片段都几清晰。）咁我阵间返去睇，同边个话？（许志安。）许志安？许志安唔系…（系呀，Sammi老公。）郑秀文老公？（佢哋合唱过，你有冇睇？）冇㖞，真系冇。”

【黄心颖许志安】郑秀文黄心颖是健身好拍档　正室与情妇做朋友？

黄心颖许志安后车厢激嘴　网民涌入郑秀文IG力撑：点都支持你

至于会否对心颖失望，马妈妈继续苦笑讲道：“我觉得呢啲嘢畀返佢自己搞啦，我都冇理，假如佢拍咗拖咁耐，我都完全唔明，我觉得佢哋做娱乐圈，呢行呢唔系…好烦。（马明系咪带得佢最多返屋企？）3、4次。有时话佢唔使做嘢，咪返嚟屋企食饭啰。（对佢印象点？）吓？好普通啫…又唔系好钟意佢，冇嘢。（会唔会好想佢哋快啲拉埋天窗？）冇呀，我觉得佢咁大个仔，佢要结婚会话我知。”

访问后，林子博就打开新闻给马妈妈看，马妈妈看后就称：“系咪拍戏呀？”此时，马明的来电告诉妈妈不要回应传媒问题，相信一切已经太迟。