【卡拉屋企】袁文杰惊喜现身　那些年劲青涩：嚟紧仲有一集

撰文： 洪晓璇
出版：更新：

1991年嘅处境喜剧《卡拉屋企》现正于深宵时段播出，虽然已经系第4次于翡翠台重播，但疯狂搞笑嘅剧情同对白，相隔28年都唔会过时，依旧吸引到大批观众追看。227集围绕黄氏一家发生，而且揾嚟唔少艺人客串，依家睇返好似揾彩蛋一样集集惊喜﹗继古巨基之后，第20集大家仲见到基仔艺训班同学袁文杰﹗

《卡拉屋企》重播吸引大批观众深宵追看，仲要金晴火眼睇清楚有边位艺人客串。（影片截图）

【卡拉屋企】好多估唔到嘅演员客串 钟镇涛张可颐仲有边个？

第13集有相当青涩嘅古巨基现身，同失魂菲同场仲有三句对白。（影片截图）

第20集主题系“暖暖平安夜”，讲到白头佬（楚原饰）同老婆肥妈（卢宛茵饰）到餐厅想WALK IN食平安夜大餐，经理走出嚟同佢地解释未有位。观众惊觉呢位高大靓仔嘅经理，原来正正系袁文杰﹗佢接受《香港01》访问时话：“我记得呢套系我训练班后出咗去，然后返TVB以特约演员身份拍嘅戏，我记得系91年年尾，拍《家有喜事》家明表哥前少少嘅时间，都系圣诞节𠮶排。”

呢集去到餐厅场景，190CM高嘅袁文杰真系份外吸晴。（影片截图）
袁文杰向楚原及卢宛茵解释暂时未能入座，呢个笑容好Charm好型㖞﹗（影片截图）

以新人嚟讲，第13集古巨基都系得3句对白，而袁文杰就有接近一分钟大头镜头，兼有近十句对白，算系几多戏份啦﹗袁文杰仲透露自己之后仲会喺《卡拉屋企》出现：“嚟紧仲有一集喺戏院，系李婉华以为我眼甘甘望住佢，其实系表错情，但详细我都唔记得啦﹗”当年呢一集应该系第49集，大家嚟紧不妨留意下﹗

+2
袁文杰够晒高大威猛，好多时都著上西装拍戏，当年拍《家有喜事》家明表哥（左边背影）都系著西装现身﹗（影片截图）

点击睇更多袁文杰西装骨骨靓相：

+6