【婚内情】陈锦鸿邓萃雯戏内双双出轨：爱情其实唔使咁认真

陈锦鸿和邓萃雯（雯女）昨日（10日）出席ViuTV节目巡礼发布会，两位好戏之人今次在新剧《婚内情》中饰演一对夫妻，当中双方都会出轨，演绎现代人复杂的感情观，锦鸿说：“我觉得每一套剧都系挑战，呢套剧个准备工作都要做得多好多，编剧都系年青人，对于我哋都隔咗几个generation，再去接受返究竟佢哋呢代人嘅爱情观系乜嘢，其实系需要一啲时间去适应返。”雯女都表示在揣摩角色上有困难：“因为ViuTV做嘅嘢新颖啲，大胆啲，乜嘢都够胆写落去，要消化晒佢所有写落去嘅嘢，而要喺咁短时间内呈现到出嚟，其实都唔容易。”

两位都是第一次拍ViuTV剧集，雯女坦言今次接拍是因为自己好想拍港剧：“我都好多年无拍港剧，好想用广东话讲对白，我都好挂住呢样嘢，所以边度有机会俾我实现到呢样嘢，我就去边度啰。”陈锦鸿坦言接拍《婚内情》是因为时间合适，角色也合适并吸引到自己：“仲可以同一时间周旋喺咁多感情线度，又唔洗负责任，呢啲都系最打动我接拍嘅原因。另外，我想通过呢套戏，我仔会睇，爱情其实唔洗咁认真，个年代唔同咗，其实人系咁样，个个都爱，个个都咁认真。（你唔担心仔仔会好花心？）唔系，我就系想佢花心，唔想佢咁认真，但系当然你结咗婚之后就唔系咁，但系喺你去选择嘅时候系需要比以前花心好多。”

两位都是非常专业和资深的演员，有时就算病了都照返工，雯女大爆自己拍戏的辛酸事：“我试过俾蚊针到肿晒，跟住俾啲冰我敷面照拍。”所以她觉得自己真的是好钟意做这行才会不怕辛苦，会有强劲的意志力！锦鸿说：“我觉得人哋俾咗通告、schedule我，我就要完成。”