【诡探前传】新剧将硬撼TVB《铁探》　郑少秋：我有信心！

郑少秋（秋官）昨日（10日）出席ViuTV节目巡礼发布会，今次他主演剧集《诡探前传》，饰演“茅山高人”兼师傅彭百川，秋官表示：“我钟意呢个戏啊，我嘅角色系一个哲学教授，要帮警方破解有关灵异嘅案件，我身边都发生咗好多灵异嘅事，亦都令到我伤亡惨重，最得意嘅系，我有一段感情好似‘人鬼情未了’咁样，剧情几吸引我。”

对于被外界指此剧与TVB播的《铁探》对撼，秋官就话两套剧剧种不同：“以前嘅《诡探》亦都得到好好嘅口碑，亦都将之前嘅观众带咗过嚟，经过我哋今次再编排，好用心，我有信心！”

早前秋官女儿郑欣宜（Joyce）接受传媒访问时话自己不看鬼片，笑言拒绝捧爸爸场，被问到秋官会否不开心，他表示：“佢咪唔好睇𠮶啲得人惊嘅镜头啰，净系睇我咪得啰，靓靓咪得啰，型型咪得啰，不过好奇怪，Joyce佢唔敢睇鬼怪片，但系佢钟意睇丧尸片㖞。”