【铁探】袁伟豪即将进军国际市场？ “呢个绝对系可以纪念嘅事”
撰文： 赖家杰
出版：更新：
袁伟豪今天（9日）出席TVB电视剧《铁探》的宣传活动，剧集播出一星期，眼见收视反应十分理想他亦相当兴奋：“我对《铁探》成套剧都十分有信心，台前幕后都精心打造呢个故事，希望带到畀观众有娱乐。”
《铁探》这部剧集除了收视和反应十分好之外，另一个好消息就是Netflix平台会播出《铁探》，这对演员来说也是一个进军国际的好机会，袁伟豪十分认同：“呢个绝对系一个好景像，先唔讲我哋制作媲唔媲美到外国都好，但我哋香港都尽最大努力去做，对公司同演员都有各方面好，呢个系绝对可以纪念嘅事。”
提起近日一件不愉快的事在袁伟豪身上，有网民指跟他合照完立即变脸耍大牌，袁伟豪也在社交网站回应，对这件事情他说到完全没有生气：“我觉得咁啱𠮶一下想同佢倾偈咪倾下，我都唔记得呢件事，但我都有尽量回应呢个情况，可能当时我唔想太高调或者太攰，影完相想快少少食完碗面就走，少不免会有呢啲情况发生，我都有同网民讲大家都唔认识，唔可以凭我唔笑就判断我人格，后来佢都有私讯覆我，话明白我，会支持《铁探》，咁我又觉得几好，大家有倾有讲，唔好只系将负能量带出嚟。”
+1