【铁探】70岁石修入行60多年　保持外表50几岁全靠少啲做

石修今天（9日）出席TVB电视剧《铁探》的宣传活动，剧集已播出一段时间，修哥留意到反应十分好，非常安慰：“无论人物故事大家都好有火花。”修哥今年已经70岁，不少网民看完《铁探》以为他只有50多岁，修哥笑言有数计：“我7，8岁就开始入行做戏，我做咗成60几年都冇停到，有时候我觉得工作上好难有年龄限制，如果我仲有呢个精神体力同状态，我都会继续一路拍戏。”

不少网民好奇修哥如何能保持年青，他亦大方分享保养方法：“其实我哋都市人生活同工作比较紧张，尤其做我哋呢行日以继夜去拍戏，真系要靠住一份兴趣嚟维持，以我嚟讲系工作时间咁忙我会争取时间休息，少啲出去应酬，我哋叫做充电，至于食方面依家大家都钟意食香口同重口味嘅嘢，我都尽量少食。”

修哥指保持心态年青非常重要，所以他也紧贴潮流，眼见年轻人总会常玩Instagram，修哥直言已准备开一个帐号与大家交流：“我觉得要跟，因为依家系一个年青人世界，唔可以同年青人脱节，咁佢哋识乜嘢就去跟乜，跟都好㗎，畀你知依家发生紧乜事。”