【Pretty Crazy】 容祖儿新歌韩风味浓　MV七个造型拍足廿个钟

容祖儿上个月压轴现身“KKBOX香港风云榜”首唱新歌《Pretty Crazy》，等大家先睹为快。今日（4日）2019年第二主打歌派台喇。由黄伟文填词，歌曲制作、排舞以致MV拍摄都系由韩国团队主理，实行嚟一个文化交流大冲激。

一向有留意KPOP嘅祖儿话，今次可以同韩国制作团队合作系一次新鲜嘅尝试：“韩国团队将佢哋好熟悉或者喺市场上好流行音乐元素设计喺歌曲内，系精彩嘅！”而“Pretty Crazy”的题材灵感嚟填词人黄伟文：“好多时候啲人会讲：‘别人笑我太疯癫 我笑他人看不穿’就系我哋呢一种人啦。”祖儿笑说：“我觉得阿Y（黄伟文）唔系写紧我，因为我唔系crazy，不过pretty啰，哈哈，不过喺好多朋友心目中，我应该系几crazy嘅。《Pretty Crazy》喺嚟紧嘅演唱会里面一首比较重头戏嘅作品。”歌词提到“平庸时代 妒忌你 要你正常”，就正如好多伟人变成一个叱咤风云嘅英雄之前，大家都会觉得佢哋系疯子，所以我成日都觉得一个真正嘅伟人系经得起时间嘅考验。”

歌曲MV于韩国拍摄，舞蹈编排亦由香港排到去韩国，Joey笑言今次舞蹈充满“泡菜味”：“动作可能看似唔系太复杂，但其实身体上嘅协调性、节拍感嘅捕捉，总之个节奏快慢嘅dynamic，系非常之吸引。”祖儿在MV入面总共换咗七个造型，每换一个造型都要换上唔同嘅妆容同发型，而拍摄时间由最初的十二小时延长到二十小时，难怪祖儿话系一个好大嘅挑战。另外，导演亦设计咗多个场景拍摄，包括：罗马云石宫殿、以镜子折射打造出infinity视觉效果嘅镜箱等。除此之外，MV更加入以多个CCTV所砌成嘅道具灯、电单车头盔等古灵精怪元素，令画面看上更配合歌曲主题。