《寻秦记》电影版遗一缺憾　江华点解坚拒再演嫪毐

古天乐亲吹鸡，成功召唤林峰、宣萱、雪儿、郭羡妮、滕丽名开拍《寻秦记》电影版，之不过，消息一出，唔少网民都认为要有埋喺剧中饰演“连晋、嫪毐”一角嘅江华先够完美。

可惜嘅系，自从江华转做保险行业后，似乎对幕前一啲都唔留恋，曾在访问中表示“我情愿街边做小贩卖花生”，点解咁决绝呢？江华话系因为对自己要求太高，所以成日都好难从角色中抽身，并指虽然做得咁辛苦，但一直以来似乎只有观众会认同自己，令佢有感自己是无价值可言。

而对于《寻秦记》将拍摄电影版，江华于访问中直言“唔明点解”，并谓虽然古天乐有呢个举动系好事。“我觉得一部电视剧或者电影可以成日人哋心目中嘅经典已经好劲，唔需要再拍过。以演员角度睇，20年前同20年后今日仲要拍同一个角色，究竟想表达啲咩？但从商业角度睇，大家都咁钟意，系有追看性嘅。”听完，系未觉得要喺幕前见到江华无乜可能？佢又话唔系，仲透露曾经喺九龙城撞到周润发，对方表示如果将来开戏一定会预佢……所以江华其实一直都只系等紧一个发哥。

即刻投票，拣选你心水男、女主角，仲有你最撑嘅香港电影，即有机会获得戏飞。《香港电影我撑场．民选大奖2019》投票专页：https://voteforhkmovies.hk01.com/