冯允谦为入《巨星》5强与无线签约　惨被雪藏乜都唔做得

因《超级巨声3》入行嘅冯允谦，近日加盟寰亚娱乐，日前佢接受郑裕玲主持嘅《口水多过浪花》节目访问时，提及入行8年但有近3年时间被消失嘅原因，原来一切系同方丈有关！

“因为𠮶阵系新人好多嘢都唔识清楚，参加《巨星》时佢话before你入5强就一定要签，咁当时系觉得唔签就无得比赛，所以嗱嗱声签咗。”冯允谦最终于《巨星3》得到亚军以及《最强人气巨声》并成为TVB嘅亲生仔。2012年，冯允谦加盟英皇旗嗁Music Plus Label ，并先后推出过三张大碟以及两只EP，之不过，喺16年派完《Keep On, Fight On》、《后知后觉》两首歌后，冯允谦就变成了纸上明星。“因为唱片合约系唔可以长过经理人合约，同英皇完约后，自己系想做多啲音乐性、想要新变换，所以就kick住。”

星梦娱乐乃TVB附属唱片公司，《巨星》出身嘅许廷铿、胡鸿钧当年在比赛后都成为旗下歌手，而冯允谦一心想发展音乐，TVB按理来说都应该会安排佢加盟星梦，但或者系因为大家嘅想法有所出入，结果成了雪藏对象，就算期间想帮其他歌手朋友写歌都唔可以。“因为签咗经理人公司就唔可以签发行公司，因为所有嘢都包含，自己其实做好多co-writing，但出唔到自己名 (有无出钱比你?)无，同埋都唔想累到人，如果因为我问题出唔到连累对方好似唔系咁好。”被消失的3年时间，冯允谦近乎零收入，他坦言“过得真系辛苦”幸好有帮屋企人做生意，再加上早年的积蓄，令佢勉强可以过活。节目中，郑裕玲问冯允谦今次签约新公司有无学“精”咗，他说签约前有与律师研究过，亦有与圈中好友倾过，并笑言今次““精”咗啲。

冯允谦话被雪藏嘅日子无乜收入，所以都过得几辛苦，但见佢IG喺有唔少旅行PO，又好似生活得几自在㖞。

即刻投票，拣选你心水男、女主角，仲有你最撑嘅香港电影，即有机会获得戏飞。

《香港电影我撑场．民选大奖2019》投票专页：https://voteforhkmovies.hk01.com/